Hifazat karo apnay emaan o deen ki : Zamana wo aisa ajeeb araha hai

Assalam o Alikum Wa RahmatuLLAHi waa barakatuhu!

Aj bhot arsay kay ba’ad ye meri (admin manager) zati tor pe kisi issue pe likhi hui koi post hai.

Aik ajeeb sa khof jo mene guzray hue kuch dino main mehsoos kia, men usay blog kay zariye ap sab tak bhi puhnchana chahti thy.

Ham sbko pta hai, kay hm qyaamat kay bhot qareebi dor say guzar rahay hain, ye batain hm aksar suntay bhi hain, or baat sach bhi hai kay alaamat e qyaamat main say choti choti nishanian to sab poori ho chuki hain, bas ab bari bari nishanion ka zahoor baqi hai.

is post ka maqsad ap ko ye btana bilkul bhi nai hai kay bas boriya bistar bandhian, qyamat arai hai,. q kay qyaamat kb aygi ye to ALLAH hi janta hai.

btana ye hai kay ap 2013 main ji rahay hain, or jin fitnon ko mene pichlay kuch dinon main bhot qareeb say daikha hai, unsay apko bhi hoshyaar karna chahti hun.

Ham iswaqt fitnon kay aik sakht tareen mahol main hain, nae nae log pta nai kahan say media pay ubhr atay hain, kuch din deendari main naam chmkatay hain or phir Islaam ka aisa rukh pesh karatay hain kay apnay na kabhi kisi hadees main parha hoga na Quran main.

Or mazay ki baat ye kay ye fitna tezi kay sath barh raha hai.

Apnay kabi is se pehlay ye baat sun rakhi hai, kay Islaam main moseeqi or nach jaez hai???

nahin suni??

To koi baat nahin, jakar apna t.v on karen or naya taza Islam seekh lain, phir siraf apko aise he nai btaya jaega , balkay hadees se hawala bhi diya jaega. (jo haqiqatan siraf aik ghra gya matlab hoga).

Kya karenge ap aisi surat main?? confuse hojaenge?? phir kya hoga??? har jaez na jaez kaam ki daleel ap aise so called logon ki sunenge, or khud ko bhot si haram cheezon main mubtala kar lenge .

Ye moseeqi , or nach gana sirf aik misal hai, kal ko yehi naam nihad log apko ye bhi btaenge kay shraab haram to nahin hai, zina mana to nahin hai, Islam to bhot broad hai.

islye aik iltija hai kay iswaqt apna emaan bachaen, ashad zaroorat hai, kay ham Quran kholain, ALLAH kay nabi sallal laho alaihi wasslam ki sunnaton pay amal karen, bilawaja jin baton say hamara taluq nai haai, unnpar behsain na karen na sunain.

or sab say barh kar ye kay ALLAH se ro ro kar ye mangain kay hamain sirat e mustaqeem pay chlaey rakhay, hamin emaan ki salamti kay sath is dunya say rukhsat karay.

Ye itna shadeed fitna hai, jo iswaqt apkay or mere saron pay mandla raha hai, kal ko ap bhi aisi batain sunainge, apnay apko shak main dalenge, phir deen pe sawal uthenge kay aisa q hai? aisa q nahin?

Ham log bhot danishmand ban’nay ki koshish kartay hain , ham jaan booj kay siraf aise maslay nikaltay hain jin main ya to ikhtilaf ho, ya phir hadees main un chezon ki mumaneat i ho, phir ham un maslon pay behas kartay hain, or daleelain lanay ki koshish kartay hain, sabit karnay ki koshish kartay hain, kay hadees main to falan cheez mana hi nai, to ham q na karen?

Kya deen siraf in behson ka naam hai?? hamain agar Islam se itni hi muhabbat hai, to baqi sari ahadees pe amal q nai kar lete jo ibadat se mutalliq hain? jo muamlat say mutalliq hain??

Ham jaan booj kay aise muamlat pay behasain q shuru kar dete hain . jo Islaam main mana hain, or hamari sari koshish is baat pay q sarf hoti hai kay kisi tarhan ye cheez halaal hojaen, takay hamari bhi moj hojae, .

Khudara khud ko  bachaen, deen main hazar batein or bhi hain, pehlay un pay to amal karlain ham.

ALLAH kay Nabi sallal laho alaihi wasslam ki ye hadees parhain, or jab kabhi ap kisi parhay likhay jahil ki baat sunen, jo apko ALLAH ki haram ki hui chezon ko halal prove kar raha ho, to bas ye hadees zehan main ley ayen, or us cheez kay murtakib mt hon.

Rasoolullah Sallallahu Alayhay wa Sallam Ne Farmaya

” Halaal Wazeh Hai Aur Haraam Bhi Wazeh Hai, Aur Inn Dono K Darmiyan Kuch Shak o Shubay Wali Cheezain Hain Jin Se Aksar Log Waqif Nahi, To Jo Shakhs Shubay Wali Cheezon Se baaz Raha Uss Ne Apnay Deen Aur Apni Izzat Ko Bacha Liya Aur Jo Shakhs Shubay Wali Cheezon mein Mubtala hua Wo Haraam Mein Mubtala Ho jaye ga.”

(Sahi Bukhari, Kitab ul Emaan, hadees:52)

 

Ab karna kya hai??

ham khud ko kese bachaen??

1. Apnay taluq Quran say mazboot karen, rozana parhain, tarjumay kay sath parhain. Or jo ap parhain uspar amal karen. Kisi cheez main shak ho, to kisi mustanad aalim say pooch lain, or ALLAH say mangain kay ALLAH TA’ALA ap par wo masla khol day.

Agar kisi waja say phir bhi ap us baray main confuse rahain, or wo masla faraedh say mutaliq na ho (maslan namaz,roza, waghira) to bas chor dain, or bilawaja apni aqal kay ghoray na doraen.

2. Ahadees ki kitabain parh kar, jin cheezon kay karnay ka hukam hai, jin sunnaton ka apko pata hai, unko apni zindagi main laaen. Yahan bhi yehi baat hai, kay bilawaja danishmand  mat banain, karnay walay kaam karen, jinsay nama kia gya hai mana ho jaen.  or jo ghair wazeh muamlay hain unkay mrtakib na hon.

Yehi aik behtarenn tareeqa hai jis say ap apna enaam bacha saktay hain.

3. Aik bhot eham baat, kay akhrat say mutalliq bilaawja ki hujjat bazi se bachain, maslan,

sbka hisab kese hoga log to bhot ziada hongay? Qyaamat kay ba’ad jannat main kabtk jaenge, , dozalh itni gehri kese hosakti hai hay zameen o asmaan say bhi bari ho? jannat main ALLAH nay mardon ko hooren di hain, aurton ko kya dia?? waghira waghira.

ALLAH nay keh dia qyamat aygi , ham zinda kiye jaenge to bas hoga zaroor hoga. Emaan bil ghiab isi ko kehte hain, kay ap daikhy bgair emaan lay ayen.

or jannat main sabkuch hoga, to bas hoga , na mard pareshan hon kay itni hooren kese sambhalenge, or na aurtain udaas hon kay hamin q hoor nai milegay?

Agar apko is qisam kay sawalat islam  pay uchalnay ki adat hai, to yaad rakhin, kuffar bhi yehi hujjat bazian kartay thay, q ? kab? ye kese mumkin hai! aise hai to wese q nai?

4. Suarh kahaf ko parhnay ka mamool banaen jumay ko, saari na parh saken , to pehli ya akhri 10 ayaat parh lain,/yaad kar lain .

Main akhir pay bas yehi kahungi kay emaan bachaen, emaan bachaen, ALLAH se taluq mazboot karen., duaon kay sath.

Or in hidayat ko apnay ki koshish kijega.

ALLAH TA’ALA ghltion or kotahion ko muaf farmay.

ap log kuch kehna chahain to comment section use ar lain, or post main koi galat baat ki nishan dahi karni ho to zaroor kar dain (insan khta ka putla hai)

Sunnah proteges say guzarish hai kay wo qurb e qayamat main parhnay kay liye jo duaen ALLAH kay nabi sallal laho alaihi wasslam nay btai thin, next post main share kar lain.

ALLAH TA’ALA hamari hifazat farmae. or khatma bil khai ata farmae.

hifazat karo apnay emaan o deen ki : zamaana wo aisa ajeeb AGAYA hai.

Wassalam o alikum wa rahmatuLLAH.

 

 

Advertisements

About Binatehawwa

Let's change the world through Piety

Posted on July 30, 2013, in Miscellaneous. Bookmark the permalink. 1 Comment.

  1. IN SHA ALLAH we will do soon, JAZAKILLAH ukhti for suggestion, n no doubt qayamah is very near and we have to just hold to the Rope of ALLAH now , n suggestion for everyone who follow media, that Quran is not revealed to these channels, so kindly open Quran by urself if you want guidance and also the sahih books of AHADITHS. JAZAKALLAH khair

DISCUSS HERE :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: